ʼn Man is Sondagoggend in Camperdown, oos van Pietermaritzburg, dood nadat ʼn suikerrietlaaier oor hom gery het.
“Na wat verneem word, was die man deel van ʼn groep werkers wat suikerriet op ʼn swaarvoertuig gelaai het toe hy deur die suikerrietlaaier raakgery is,” het Jeffrey Wicks, ʼn woordvoerder van Netcare911, gesê. Die man het kritieke beserings opgedoen en het om sy lewe geveg toe die paramedici op die toneel opgedaag het. Hy is op die toneel gestabiliseer en met ʼn ambulans na die Netcare St Anne’s-hospitaal geneem waar hy aan sy beserings beswyk het.
