ʼn Man is Dinsdag tydens ʼn skietery in Atterburyweg in die ooste van Pretoria doodgeskiet.
Santi Steinmann, ʼn woordvoerder van Netcare 911, sê die man was reeds dood toe paramedici by die toneel opgedaag het.
Kaptein Colette Weilbach, ʼn woordvoerder van die Brooklyn-polisiestasie, sê die polisie is tans nog op die toneel en hulle sal in binnekort meer inligting bekend maak.
Na wat verneem word, het die skietery by ʼn vulstasie tydens ʼn vermeende rooftog plaasgevind. Dit is nog nie bekend of die persoon wat dood is ʼn vermeende rower of ʼn lid van die publiek is nie.
