ʼn Man is Sondagaand dood toe ʼn brand in sy huis in Parkwood, Johannesburg, uitgebreek het, het nooddienste gesê.
Brandbestryders kon die brand blus en het die man se verkoolde oorskot net na 19:00 verwyder, het woordvoerder Robert Mulaudzi gesê. Vermoedelik het die man, in sy 30s, alleen in sy huis in Chesterweg gewoon. Mulaudzi sê die oorsaak van die brand word ondersoek. -SAPA