ʼn Man is dood nadat hy Woensdagmiddag deur weerlig getref is, het paramedici gesê.
ER24 woordvoerder, Derrick Banks, het gesê die 43-jarige man het op ʼn teerpad in Sonlandpark, naby Vereeniging gestap toe die weerlig hom getref het. Daar het ongeveer ʼn halfuur voor die voorval ʼn storm in dié gebied geheers. Hy het op die grond gelê en het brandwonde aan die kant van sy kop en op sy linkerenkel gehad.