Man dood toe bakkie rol

Argieffoto.

Argieffoto.

ʼn 29-jarige man is Woensdagaand dood nadat sy bakkie verskeie kere naby Middelburg, Mpumalanga, gerol het.

Vanessa Jackson, ʼn woordvoerder van ER24, het Donderdag gesê die man is uit sy bakkie geslinger terwyl dit gerol het.

“Die man is deur ʼn boer gevind wat daar naby bly. Die boer het die paramedici ontbied,” het Jackson gesê. Die man het veelvoudige ernstige beserings aan sy kop en bors opgedoen en het ook interne beserings gehad. Hy is op die toneel dood verklaar.

Dit is nog nie bekend hoe die ongeluk ontstaan het nie. Daar was geen ander voertuie in die ongeluk betrokke nie. Die polisie ondersoek die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

vuurvreter ·

Arme man. So onnodige dood. Maroela haal asb. die popups af. Ons is moeg om te lees van die ou tannie wat niemand van hou nie.

Justi ·

Hallo vuurvreter ek stem 100% saam oor die iriterende popups. Ek kry die man en sy familie baie jammer. Dis tragies!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.