ʼn Man is dood en vier mense is beseer nadat die motor waarin hulle gery het Sondag teen ʼn boom gebots het in Phoenix, Durban in KwaZulu-Natal.
Chris Botha, woordvoerder van Netcare911, sê toe paramedici en die brandweer op die toneel aangekom het, was die bestuurder van die motor en die voorste passasier steeds in die wrak vasgekeer. ʼn Man en vrou, albei in hulle 20’s, is ook ernstig beseer in die ongeluk. Die beseerdes is na verskeie hospitale geneem vir verdere behandeling. Een van die mans is kort na sy aankoms by die hospitaal dood verklaar.