Man dra tienerseun se geslagsdele in beursie

ʼn Man van die Oos-Kaap is in hegtenis geneem nadat sy vermiste susterskind se geslagsdele in sy beursie gevind is.

Kolonel Mzukisi Fatyela, ʼn polisiewoordvoerder, het Donderdag gesê die 18-jarige seun van die Thebe-nedersetting in Ngcobo het Sondag vermis geraak.

“ʼn Lid van die gemeenskap het Woensdag die seun se geslagdele in die man se beursie gesien en die polisie ontbied,” het Fatyela gesê. Die polisie het die 42-jarige man ondervra waarna hy hulle na die Malande-woud geneem het waar die tiener se erg geskende liggaam gevind is. Sy kop, arms en bene is afgesny en naby sy liggaam gevind.

Die man moet Donderdag in die Ngcobo-landdroshof verskyn op ʼn aanklag van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.