Man gemartel en vermoor

Barry Newland. Foto: www.looklocal.co.za

Barry Newland (56) is met ʼn strykyster gebrand voor hy met ʼn plastieksak versmoor is in sy huis in Cloverdene, Benoni.

LookLocal berig die huis waarin Newland gewoon het, was die huis waarin die Oscar-wenner Charlize Theron destyds gewoon het. Newland, wat tweedehandse motors verkoop het, se liggaam is Vrydag in ʼn badkamer in die huis gevind. Hy was vasgebind en daar was ʼn plastieksak oor sy kop. Volgens die polisie het vyf mans toegang tot die huis verkry deur hulself as potensiële kopers van een van Newland se motors voor te doen. Die huiswerker en tuinwerker is in die huis vasgebind. Newland is deur die vyf mans oorval toe hy by die huis aangekom het. Die mans het Newland vasgebind, gemartel en met ʼn strykyster en sigarette gebrand. Tryna Wolmarans, ʼn polisiewoordvoerder, sê twee selfone, ʼn skootrekenaar, twee kameras, ʼn goue hangertjie en kontant is uit die huis gesteel. “Newland is deur paramedici op die toneel dood verklaar weens versmoring.” Newland word oorleef deur sy drie seuns Mark, Jason en Richard, sy eksvrou Michelle en sy vriendin Joy Prest.

Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

2 Kommentare

jongste oudste gewildste
Clifford

My seun was in dieselfde omstandighede. Ek gee my innige meegevoel aan sy naasbestaandes. Die ontspanne vakansie-atmosfeer in Voëlklip is Saterdag onderbreek toe ’n 21-jarige inwoner tydens ’n twis doodgeskiet is. George Clarkson van Kwaaiwater is in die gesig geskiet en noodlottig gewond nadat Hendrik Kriel (51) na bewering gewapen by die huis in 11de straat opgedaag het. Luidens ’n polisieverklaring was Kriel onder meer gewapen met ’n pistool, haelgeweer, bofbalkolf en ’n swaard. “Die oorledene en sy vriendin, wat voorheen glo ’n verhouding met Kriel gehad het, het saam met twee vriende gekuier toe die verdagte hulle verrras het.… Lees meer »

Petro Claassen

Dis so hartseer ek kan net bid vir sy familie wat agter bly…p