Foto: Netcare911
Derrick Banks, woordvoerder van ER24, sê die man se vrou het hom Sondagoggend as vermis aangegee waarna hy deur middel van sy selfoonsein opgespoor is. Die polisie se reddingspan en paramedici is na die toneel ontbied. “Twee brandbestryders het na die man geroep en het ʼn flou roep aan die kant van die kloof gehoor.” Banks sê reddingswerkers is afgesak tot by die erg beseerde man. “Hy het verskeie gebreekte bene opgedoen sowel as bors-, nek- en rugbeserings. Hy was in ʼn ernstige maar stabiele toestand en is op die toneel gestabiliseer voor hy per helikopter na ʼn nabygeleë hospitaal vervoer is vir verdere behandeling.” Banks sê die man was glo op ʼn uitkykpunt toe hy sy balans verloor het weens die sterk wind.
