Man geskiet terwyl hy seun beskerm

ʼn Man is Sondagoggend in Boksburg aan die Oos-Rand geskiet terwyl hy seun probeer beskerm het van drie gewapende mans.

Volgens paramedici van ER24 het die man saam met sy 10-jarige seuntjie na ʼn dam naby hul huis geloop om te gaan visvang. Drie mans het hulle glo skielik genader en ʼn vuurwapen op hulle gerig. Die man het aan paramedici verduidelik dat hy sy seun probeer beskerm het en in die proses in die skouer geskiet is. Die man is in ʼn stabiele toestand en is na ʼn nabygeleë hospitaal geneem vir verdere behandeling. ʼn Traumaberader is vir die man en sy gesin gereël.