ʼn Man is in Welkom in hegtenis geneem nadat 282 kg dagga in sy motor opgespoor is, het die Vrystaatse polisie Donderdag gesê.
Polisie het die 37-jarige man se voertuig Dinsdagoggend omstreeks 07:00 deursoek, het kaptein Stephen Thakeng gesê. “Polisiebeamptes het 282 kg dagga ter waarde van ongeveer R375 000 in die kattebak van die voertuig opgespoor.” Die man sal na verwagting binnekort in die landdroshof in Senekal verskyn.