Man in Houtbaai-grot vasgekeer

Houtbaai

ʼn Man is Woensdagaand in Houtbaai in ʼn grot vasgekeer wat ineengestort het, het die stad Kaapstad se rampbeheersentrum Donderdag gesê.

“Die grot agter die Chapman’s Peak-hotel het ná 23:00 op vier boemelaars ineengestort,” het Wilfred Solomons-Johannes, woordvoerder, gesê. “Die ander drie mans kon veilig ontruim toe hulle besef wat besig is om te gebeur, maar die ander man was ongelukkig vasgekeer.”

Nooddiensspanne is na die toneel ontbied, maar kon hom nie red nie, weens die gevaarlike weersomstandighede wat met swaar reën en stormwind gepaard gaan. “Paramedici sal Donderdagoggend die soektog hervat op die aanname dat die man steeds leef.”

Lees ook:
Reën, ysige weer in die Kaap veroorsaak chaos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae