Man in hof vir moord op 9-jarige

Die man wat beskuldig word van die moord op sy 9-jarige stiefdogter, wie se liggaam in ʼn klein vrieskas in haar ouerhuis in Eersterust, Pretoria, gekry is, het Maandag vlugtig in die Sentrale gevangenis se hof verskyn.

Danielle Gaysma se liggaam is verlede Sondagmiddag gekry ná sy die dag tevore vermis geraak het.

Volgens konstabel Sam Shibambo, ʼn woordvoerder van die Eersterust-polisie, is die kind se stiefpa later die dag in hegtenis geneem. “Verskeie bewyse het die man met die beweerde moord verbind,” het Shibambo aan Maroela Media gesê.

Die 48-jarige Gerald Cubido staan tereg op ‘n aanklag van moord. Hy het aangedui dat hy nie in dié stadium om borgtog gaan aansoek doen nie.

Die saak is vir verdere ondersoek tot 17 Julie uitgestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.