ʼn Man en twee kinders is dood nadat ʼn minibustaxi en twee motors Maandag op die M4 buite Umhlanga, KwaZulu-Natal gebots het.
Chris Botha, woordvoerder van Netcare911, sê ʼn eenjarige meisie en ʼn 18 maande oue babaseuntjie is in die ongeluk dood. Hy sê vier mense is in die ongeluk beseer. “Een persoon is kritiek beseer en is per helikopter na die Albert Luthuli-hospitaal vervoer terwyl die ander beseerdes per ambulans na nabygeleë hospitale geneem is.” Botha sê die pad was teen 18:00 Maandagaand steeds gesluit. Die oorsaak van die ongeluk is onbekend en word ondersoek.