Foto: @ER24EMS op Twitter
ʼn Man is in ʼn kritieke toestand in die hospitaal ná ʼn ongeluk Woensdagoggend op die N3 buite Durban.
“ʼn Swaarvoertuig en ʼn motor het mekaar vroeg Woensdagoggend op die N3 naby Sherwood getref,” het Kyle van Reenen, woordvoerder vir ER24, gesê. “Die motor het glo die swaarvoertuig getref en daarna ʼn paar keer gerol.”
Die bestuurder was alleen in die motor. “Hy is uit die motor geslinger en het erge kopbeserings opgedoen.”
Paramedici het die man op die toneel behandel en met hom na die King Edward-provinsiale hospitaal gehaas. Hy is in ʼn kritieke, maar stabiele toestand.
Die oorsaak van die ongeluk is nog nie bekend nie en sal deur die betrokke owerhede ondersoek word.
Jinne, die oorsaak lyk vir my taamlik voor die hand liggend – SPOED. Miskien is ek verkeerd