ʼn Man is Woensdag in Bela-Bela, Limpopo, in hegtenis geneem ná hy in besit van onwettige sigarette met ʼn waarde van R70 000 gevang is.
Volgens luitenant-kolonel Malesela Ledwaba, ʼn woordvoerder van die polisie, is die man van Zimbabwe. Hy is aangekeer ná polisie die gebied gepatrolleer en die man se wit Toyota Quantum bakkie afgetrek en deursoek het.
“Die bakkie se sitplekke was verwyder en die hele voertuig was vol onwettige sigarette,” het Ledwaba gesê.
Die man gaan binnekort in die landroshof in Bela-Bela verskyn.
