ʼn 21-jarige man is in hegtenis geneem nadat hy met die vermoorde Elleanor Dorfling (82) van die Vrystaat se persoonlike besittings betrap is.
“Die 21-jarige man het Dorfling se motorsleutels en rybewys by hom gehad,” het kapt. Stephen Thakeng, woordvoerder van die polisie, gesê.
Dorfling is Donderdag dood aangetref in haar huis in Allanridge in die Vrystaat. Sy was in ʼn bad vol water en haar hande was met ʼn das vasgebind. Daar was bloedvlekke op die muur en bloed in haar mond.
Die man is Donderdag in hegtenis geneem en sal op 9 Desember in die landdroshof in Odendaalsrus verskyn.
Lees ook:
Bejaarde in die Vrystaat vermoor
Geen mens verdien om so vermoor te word nie. Mag hy vir ewig brand in die hel.
Die lafhartige gemors! Mag dieselfde lot hom tref en erger.