ʼn Man van Welkom in die Vrystaat het Woensdagaand uit ʼn vier verdiepinggebou geval en dit oorleef.
Nooddiensbeamptes het hom op die sypaadjie van die gebou gekry en sy gebreekte been behandel. Hy het ook beserings aan sy gesig, rug en nek opgedoen en is na die plaaslike hospitaal vir verdere behandeling geneem.
Volgens André Visser, woordvoerder vir ER24, het die man glo van sy balkon afgeval maar beamptes kon nie vasstel hoe dit gebeur het nie.