Argieffoto.
ʼn Man is Dinsdag in Boksburg, Johannesburg, doodgery toe hy die N12-snelweg wou oorsteek.
“Die man, in sy 30s, het agterop ʼn bakkie gesit en by die Rondebultweg-afrit afgespring toe ʼn voertuig hom getref het,” het Vanessa Jackson, ʼn woordvoerder van ER24 gesê.
“Die bakkie het op die verkeerseiland van die afrit stilgehou en die slagoffer se vriend het ook van die voertuig afgespring.”
Volgens ooggetuies is die man in die tweede baan getref nadat ʼn voertuig hom skraps in die eerste baan gemis het.
“Die man is op slag dood, sy vriend is nie tydens die voorval beseer nie.”
