Man skuldig bevind aan boervrou se moord

Argieffoto

Argieffoto

 

Andrew Damons, ʼn plaasarbeider, is skuldig bevind aan die moord op Rene Slater (52), ʼn sakevrou van Kirkwood, het die polisie in die Oos-Kaap Vrydag gesê.

“Die moord het op 15 Februarie 2010 plaasgevind,” het ao GP Swart, woordvoerder van die polisie, in ʼn verklaring gesê. “Damons (22) is skuldig bevind op aanklag van moord, roof met verswarende omstandighede, en ontvoering.”

Slater se liggaam is die volgende dag, 3 km van haar man Desmond se plaas, in ʼn vlak graf opgespoor. Haar liggaam was met sand en los doringtakkies bedek. Sy het noodlottige kopbeserings opgedoen weens ʼn harde voorwerp wat teen haar kop geslaan is.

Desmond boer glo met Angora-bokke. Rene het ʼn dieetkliniek in die dorp bedryf.

Damons sal op 28 Februarie 2014 gevonnis word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.