Man staan toe nie uit die dood op nie

Die liggaam van ‘n man, wat beweer het hy sou uit die dood opstaan, lei nou tot klagtes van die familie se bure in Tsolo, naby Mthata in die Oos-Kaap.

Sizwe Kupelo, woordvoerder van die departement van gesondheid in die Oos-Kaap, het gesê die man, wat Dinsdag gesterf het, het gesê hy sou twee dae ná sy dood weer opstaan. “Die man, wat Dinsdag gesterf het, het na bewering vir sy familie gesê om hom nie na die lykshuis te neem nie,” het Kupelo gesê. Die familie het gevolglik die man se lyk in hul huis gehou, en lede van sy kerk het die liggaam besoek. Kupelo sê plaaslike inwoners het klagtes begin indien oor die reuk wat uit die huis kom. “Dit word nou ‘n gesondheidsrisiko,” het Kupelo bygevoeg. ‘n Span van gesondheidsbeamptes, polisie- en forensiese beamptes sal die familie besoek om hulle te oorreed dat die liggaam verwyder moet word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

KopKrap ·

Die ouens verf hulleself ook met muti om koeelvas te wees.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.