ʼn Man van Noordwes het Donderdag vermoedelik selfmoord gepleeg deur homself aan die brand te steek.
Volgens kapt. Pelonomi Makau, ʼn polisiewoordvoerder, het die voorval in Lethabong naby Rustenburg plaasgevind.
“Die 24-jarige man het paraffien oor homself uitgegooi en hom aan die brand gesteek. Hy is na die Job Shimankane-hospitaal geneem waar hy later dood is,” het Makau gesê.
Dit is nog nie bekend wat die motief agter sy beweerde selfmoord is nie en geen brief is agtergelaat nie. Die polisie sal ʼn geregtelike doodsondersoek uitvoer.
