Man sterf in Boksburg-ongeluk

Foto: ER24

Foto: ER24

Een man is dood en ʼn ander beseer nadat hul voertuig Sondagoggend in ʼn waterkanaal in Lilianton, Boksburg, beland het.

“Paramedici is omstreeks 05:00 na die toneel in Main Reefweg ontbied,” het Glen Orritt, woordvoerder van ER24, gesê. “Die voertuig het die pad verlaat, deur ʼn besigheid se grensdraad gebars en op sy dak in die kanaal beland.”

ʼn Man in sy 30s het reeds aan sy beserings beswyk en is op die toneel dood verklaar. “ʼn Tweede man, ook in sy 30s, was steeds in die voertuig vasgekeer en het matige beserings opgedoen, maar was in ʼn stabiele toestand,” het Orritt bygevoeg. Reddingstoerusting is gebruik om die man uit die voertuig te sny en hy is na ʼn nabygeleë hospitaal geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.