ʼn 54-jarige man het verkool nadat sy huis Vrydagoggend afgebrand het. Volgens die Johannesburgse nooddienste het die brand omstreeks 05:00 in Driezek, naby Orange Farm, ontstaan.
“Die man se plakkershuis is heeltemal verwoes. Sy liggaam is tussen die puin gekry. Die oorsaak van die brand is nog nie bekend nie,” het Synock Matobako, ʼn woordvoerder, gesê.
Niemand anders is in die voorval beseer nie.