ʼn Man is dood nadat ʼn helikopter naby Sun City in Noordwes neergestort het.
ʼn Woordvoerder van die polisie, brig. Thulani Ngubane, sê ʼn 32-jarige man is dood nadat die helikopter waarin hy gevlieg het ʼn kabel getref het in ʼn “geen-vlieg-sone”. Ngubane sê die man het van die Wonderboom-lughawe in Pretoria opgestyg in ʼn Robinson 22. Hy was glo onderweg na Bakubunt. Die ongeluk het omstreeks 9:00 vanoggend plaasgevind. Ngubane sê die vlieënier was die enigste persoon in die helikopter. Hy is op die toneel dood verklaar.
