ʼn Man is dood na ʼn ongeluk by AngloGold Ashanti se Carletonville-myn aan die Wes-Rand.
“Voorlopige ondersoeke dui daarop dat die oorledene, ʼn elektrisiën, noodlottig gewond is tydens ʼn insident met swaar toerusting,” het die myn in ʼn verklaring gesê. Die voorval word ondersoek en die bestuur van die myn het intussen alle aktiwiteite rakende die skuif van swaar toerusting ondergronds stopgesit. “AngloGold Ashanti wil graag sy meegevoel met die familie, vriende en kollegas van die oorledene betuig.”
