ʼn Man is dood en ʼn vroulike polisiebeampte is Saterdag in Pretoria ernstig beseer na ʼn voertuig in hulle vasgejaag het, het paramedici gesê.
“Die polisie het ʼn voertuig van die pad afgetrek, en terwyl die bestuurder en die beampte met mekaar gepraat het, het ʼn ander voertuig in hulle vasgejaag,” het Jeffrey Wicks, woordvoerder van Netcare911 gesê. Toe paramedici omstreeks 05:30 by die toneel in Lynnwoodweg opgedaag het, is die bestuurder reeds dood. Die beampte het ernstige beserings opgedoen, is op die toneel stabiliseer en toe na die Netcare Pretoria-Oos-hospitaal geneem.