Roelof Hattingh (39) is Saterdag dood tydens ʼn valskermongeluk in Carletonville, wes van Johannesburg.
ʼn Woordvoerder van die Valskermspring Vereniging van Suid-Afrika, Mark Bellingan, sê Hattingh het Saterdagmiddag ʼn solo sprong gedoen toe die ongeluk plaasgevind het. Bellingan sê Hattingh het twee kilometer van die landingsarea neergestort. Hattingh se valskerm het opgegaan. Hy is op die toneel dood verklaar. Hy het ernstige beserings opgedoen maar die oorsaak van dood is nog nie bekend nie.
