Argieffoto
ʼn Man het Donderdag in die vroeë oggendure in Johannesburg verkool.
Robert Mulaudzi, ʼn woordvoerder van die Johannesburgse nooddienste, sê ʼn brand het omstreeks 02:00 in die Zamimpilo informele nedersetting in Riverlea uitgebreek. Altesaam 80 plakkershuise is verwoes.
“Die man, in sy 50s, se liggaam is gevind nadat daar later deur die puin gegaan is,” het Mulaudzi gesê.
Volgens Mulaudzi moes tien mense vir rookinaseming behandel word.
