ʼn Man is dood en twee ander persone is ernstig beseer nadat hulle motor van ‘n brug in Eeufeesweg, Pretoria afgery het, het ER24 Donderdagoggend gesê.
Die Honda het agt meter ver geval en op sy wiele in Trichardtweg tot stilstand gekom. Volgens Vanessa Jackson, die woordvoerder vir ER24, het nooddiensbeamptes een van die insittendes dood op die toneel aangetref. Die bestuurder het ernstige kopbeserings opgedoen en die ander insittende het verskeie gebreekte bene gehad. Nog twee insittendes het minder ernstige beserings opgedoen.
Die saak word tans deur die polisie ondersoek.