ʼn Man is dood nadat hy Vrydagoggend met sy motor deur ʼn hek by ʼn skool in Elsiesrivier in Kaapstad gebars het.
ʼn Polisiewoordvoerder, kapt. Frederick van Wyk, sê die man het glo beheer verloor oor sy motor en deur ʼn agterhek gebars by die J.S. Kloppers Laerskool. Hy sê die man het teen ʼn stel trappe langs ʼn klaskamer vasgery. Die man is op die toneel dood. Volgens berigte is twee kinders beseer en na nabygeleë hospitale geneem. Die voorval het omstreeks 11:00 Vrydagoggend plaasgevind.
