ʼn Man is Dinsdagaand in Pretoria doodgery toe hy glo afgetrek het om ʼn pap wiel op ʼn deurpad om te ruil.
Volgens Louise Britz, ʼn woordvoerder van die Tshwane-metropolisie, het die voorval omstreeks 20:30 op die Ben Schoeman-hoofweg, naby die Eeufees-afrit plaasgevind.
“Die bestuurder van ʼn Sprinter-minibus het glo in die noodbaan gestaan om ʼn motorband om te ruil toe ʼn Corsa bakkie teen die Sprinter gebots het. Die bestuurder van die minibus is op slag dood. Die bestuurder van die bakkie is in ʼn ernstige toestand na ʼn nabygeleë hospitaal geneem,” het Britz gesê.
