Die gebou waaruit die man geval het
ʼn Konstruksiewerker veg tans om sy lewe in ʼn hospitaal in Pretoria nadat hy glo agtien meter ver van ʼn gebou af op ʼn vragmotor wat staalpenne vervoer, geval het.
Jeffrey Wicks, woordvoerder van Netcare 911 sê die oorsaak van die ongeluk en die gebeure vooraf is nog onbekend. Dit blyk dat die man op een van die boonste vlakke van die gebou, wat nog onder konstruksie is, gewerk het, voordat hy gegly en geval het. Die man het op die vragmotor, wat langs die gebou parkeer was, geval. Netcare911 paramedici het by die toneel opgedaag en die man in ʼn kritieke toestand gevind. Hy het erge koptrauma opgedoen. Hy is per ambulans na ʼn spesialishospitaal vir noodbehandeling geneem.
Netcare911 se reaksievoertuie en die vragmotor waarop die man geland het.
