ʼn Man van Kaapstad ontvang berading nadat hy glo deur ʼn man, wat soos ʼn vrou aangetrek was, verkrag is.
Luit.kol. André Traut het Vrydag aan die Cape Times gesê die man (26) het Woensdagoggend na die Groote Schuur-hospitaal gestap toe iemand wat soos ʼn vrou gelyk het, hom in Boudenstraat, Observatory, genader het. Die vrou, wat ʼn handsak, pruik en swart miniromp aangehad het, het hom met ʼn mes gekonfronteer. Die slagoffer het spoedig uitgevind dat sy aanvaller ʼn man is. Die man het hom in ʼn stegie in gedwing en hom verkrag voordat hy gevlug het. Polisie is tans op soek na die aanvaller, ʼn man in sy 30s. -SAPA
