‘n Minibusbestuurder is in hegtenis geneem nadat hy glo ‘n fietsryer op die N14 naby Vryburg in Noordwes doodgery het.
“Die minibusbestuurder het die fietsryer Saterdag in Delareyvilleweg getref toe die fietsryer glo voor hom ingery het,” het kapt. Pelonomi Makau, woordvoerder van die polisie in Noordwes, gesê. “Die fietsryer is op die toneel dood verklaar.”
Die 35-jarige bestuurder is in hegtenis geneem nadat hy glo nie ‘n rybewys kon lewer nie. Hy sal Dinsdag in die Vryburg-landdroshof verskyn op aanklag van strafbare manslag.