Man vas wat op bus skiet

ʼn Man is in hegtenis geneem nadat hy Dinsdag op ʼn Golden Arrow-bus in Kaapstad geskiet en die busbestuurder beseer het.

Kapt. Ntomboxolo Sitshitshi, ʼn polisiewoordvoerder, het Woensdag gesê die voorval het omstreeks 05:00 naby Browns Farm plaasgevind.

“Die busbestuurder was alleen op die bus. Hy is nie deur ʼn koeël getref nie, maar het geringe beserings opgedoen nadat vensterskerwe hom getref het,” het sy gesê.

ʼn 36-jarige man is later die dag in verband met die skietery in hegtenis geneem. Hy word aangekla van poging tot moord en die besit van ʼn ongelisensieerde vuurwapen en moet binnekort in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.