Man verdrink by Pringlebaai toe golf hom tref

ʼn Man van die Wes-Kaap is Donderdagoggend in Pringlebaai dood nadat ʼn golf hom van die rotse af gestamp het.

Craig Lambinon, woordvoerder vir die Nasionale Seereddingsinstituut (NSRI), het gesê die man en sy vriend het glo op die rotse staan en kreef vang toe hulle omstreeks 08:30 deur die golf getref is. “ʼn Privaat ambulans het reeds een man behandel toe NSRI op die toneel gekom het. Die man kon glo terugswem strand toe,” het Lambinon gesê.

ʼn Helikopter het die tweede man in die golwe opgemerk en ʼn reddingswemmer het ingespring om hom met ʼn statiese lyn in die lug op te trek. Die man is op die strand dood verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.