Man verdrink in Hermanus

Die liggaam van ʼn man is Sondag in die Botrivier-strandmeer in Hermanus gevind.

Deon Langenhoven, die Nasionale Seereddingsinstituut (NSRI) se adjunk-stasiebevelvoerder in Hermanus, sê die liggaam is uit die water gehaal en aan die polisie oorhandig. Hy sê die identiteit van die oorledene is nog nie vasgestel nie. “Dit is ook nog nie duidelik hoe lank die liggaam in die water was nie.” Langenhoven sê ʼn geregtelike doodsondersoek word gedoen.