Man verdrink ná epileptiese toeval

ʼn 22-jarige man het Woensdagmiddag verdrink na hy, weens ʼn epileptiese toeval, in die swembad by sy ouerhuis in Randburg geval het.

Volgens Jeffrey Wicks, ʼn woordvoerder van Netcare911, het die man se pa hom te hulp gesnel en uit die swembad gehaal. Hy het mond-tot-mondasemhaling toegepas totdat paramedici opgedaag en oorgeneem het. Hy is verder op die toneel behandel en op ʼn asemhalingsmasjien geplaas voordat hy na die Netcare Olivedale-hospitaal gehaas is.

“Ten spyte van die nooddienste en trauma-personeel se beste pogings om die man te red, is hy kort na sy aankoms in die hospitaal oorlede,” het Wicks gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae