ʼn Man het sy bene Woensdag verloor toe hy voor ʼn trein ingespring het om vermoedelik selfmoord te pleeg.
“Die 30-jarige man van Naledi is deur ʼn trein getref toe hy glo wou selfmoord pleeg. Beide sy bene is geamputeer,” het Robert Mulaudzi, woordvoerder van die Johannesburgse nooddienste gesê. Die voorval het in Soweto, Johannesburg plaasgevind. Die man is na Chris Hani Baragwanath-hospitaal geneem vir verdere behandeling.
