ʼn Chinese sakeman is Vrydag in hegtenis geneem nadat hy glo beamptes van die Reserwebank wou omkoop.
Kapt. Paul Ramaloko, woordvoerder van die Valke, het Saterdag gesê die 41-jarige man wou beamptes by die bank glo met R100 000 omkoop om sy R2,5 miljoen kontant vry te stel waarop vroeër, ná ‘n ondersoek teen hom, beslag gelê is.
Die man moet Maandag in die Pretoriase handelsmisdaadhof verskyn.
