Mandla Mandela, die kleinseun van oud-pres. Nelson Mandela, is Donderdag in die Mthatha-landdroshof amptelik van aanranding aangekla, berig die SAUK
Die uitsaaiers berig dat Mandla se regspan Donderdagoggend die dossier ontvang en uitstel versoek het om daardeur te werk en met Mandla te raadpleeg.
Die saak is tot 24 Februarie uitgestel en hy is met ʼn waarskuwing vrygelaat.
Mandla het glo in Oktober in Mthatha ʼn vuurwapen op die onderwyser, Mlamli Ngugle, gerig, nadat die onderwyser teen ʼn voertuig gebots het wat deur een van Mandla se gaste bestuur is.
– SAPA
Lees ook:
Mandla Mandela in hof oor aanranding
Mandla Mandela: “Ek is onskuldig”
Mandela-kleinseun van aanranding aangekla