Twee prostitute van Mzuzu, Malawi, wat van die moord beskuldig word op twee kliënte, wat glo nie betaal nie, het hulself Donderdag aan die polisie oorgegee.
“Die twee het hulself aan ‘n polisie-eenheid oorgegee toe hulle besef hulle word gesoek,” het Norah Chimwala, woordvoerder van die polisie in Malawi, gesê. Florence Khoko en Mphatso Chanza, beide 17 jaar oud, word daarvan beskuldig dat hulle twee kliënte in ‘n dam verdrink het. Die kliënte was glo onder die invloed van alkohol en het geweier om te betaal.
Khoko en Chanza sal binnekort in die hof verskyn op aanklag van moord wat moontlik tot die doodstraf kan lei. Die polisie was sedert die naweek op soek na die twee vroue.