Margate-kuierplek se eienaar doodgeskiet

Robin Bothma, die eienaar van ʼn gewilde kuierplek in Margate, is Vrydagaand in sy huis in Uvongo deur rowers doodgeskiet. Robin het die nagklub, Koko’s, besit en het ook verskeie ander besighede aan die Suidkus bedryf.

Lt.kol. Zandra Wiid, ʼn polisiewoordvoerder van die Port Shepstone-polisie, het gesê Robin en sy vrou, Jill, was Vrydagaand saam vriende uit en het omstreeks 22:30 by die huis gekom. Twee gewapende rowers het hulle glo oorval. Die rowers het op die egpaar se kluis se sleutels aangedring. Robin het die paniekknoppie gedruk, waarna een van die rowers hom in sy kop geskiet het. Robin is op die toneel dood. Die mans het met ʼn selfoon gevlug.

Wiid het Dinsdag gesê niemand is nog in verband met die voorval in hegtenis geneem nie en ʼn saak van moord word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.