ʼn Matriekleerling het Vrydagmiddag in Ballito, KwaZulu-Natal verdrink.
“Die seun en sy vriende het glo die middag gaan swem toe hy skielik onder die water verdwyn het,” sê Chris Botha, woordvoerder van Netcare911. Die polisie se duikeenheid is ingeroep om met die soektog na die seun te help. Die 18-jarige se liggaam is in die La Mercy-strandmeer gevind. Hy is op die toneel dood verklaar.