Umalusi het die bekendmaking van die 2013 nasionale matriekuitslae goedgekeur.
“Kandidate en hul ouers is gretig om te weet of Umalusi die noodsaaklike prosesse uitgevoer het om die geloofwaardigheid van hul uitslae te verseker,” het Mafu Rakometsi, hoof uitvoerende beampte van Umalusi, gesê. Hy sê hulle het hard gewerk om die gehalte van die uitslae te verseker.
Die departement van basiese onderwys het vroeër vandeesmaand gesê die merkwerk is afgehandel en dat minister Angie Motshekga die nasionale en provinsiale uitslae op 6 Januarie bekend sal maak. Individuele uitslae sal op 7 Januarie by skool en in die media beskikbaar gemaak word. Klik hier om meer te lees.
