Argieffoto.
Drie gewapende rowers het Maandagaand die McDonald’s-restaurant in Randburg in Gauteng beroof.
“Een van die rowers het ʼn kassier in die kitskosrestaurant by die Beyers Naude N1-afrit, met ʼn vuurwapen aangehou, terwyl sy medepligtiges by die deur wag gehou het,” het kapt. Lydia Mtila-Dikolomela Dinsdag gesê.
Die drie rowers het met ʼn onbekende hoeveelheid kontant van die restaurant gevlug. Niemand is in die voorval beseer nie. Niemand is nog in verband met die voorval in hegtenis geneem nie.
