Meer as 82 000 aborsies in een jaar

1 November 2013
Suné van Heerden

Hoe wil jy die artikel deel?

Argieffoto

Gemiddeld meer as 200 aborsies word daagliks in Suid-Afrika uitgevoer.

Aaron Motsoaledi, minister van gesondheid, het Vrydag in ŉ geskrewe antwoord op ŉ vraag in die parlement gesê altesaam 82 920 aborsies is landswyd tussen April 2012 en April 2013 uitgevoer.

Meer as ŉ kwart van die aborsies (21 794) het in Gauteng plaasgevind. Die Oos-Kaap is tweede met 14 357 aborsies.

Motsoaledi se statistiek verwys na aborsies wat in staatshospitale en –klinieke plaasvind.

Cheryllyn Dudley, ACDP-LP, het die vraag aan Motsoaledi gestel. Die African Christian Democratic Party (ACDP) is gekant teen aborsies.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

vorige artikel