Die departement van omgewingsake het Dinsdag bekend gemaak dat 455 renosters reeds vanjaar vir hul horings doodgemaak is.
Albi Modise, woordvoerder van die departement, sê 272 hiervan is in die Krugerwildtuin gestroop terwyl Limpopo, KwaZulu-Natal en Noordwes steeds die ergste deurloop onder stropers. Verlede jaar is 448 renosters in totaal vir hul horings gestroop in vergelyking met die 333 van 2010. Modise sê 207 vermeende stropers is al vanjaar in hegtenis geneem.
Die publiek word aangemoedig om renosterstropery aan te meld deur 0800 205 005 te skakel.