Niks vertel ʼn storie beter as ʼn prentjie nie. Hier volg die gewildste fotogalerye wat in 2015 op Maroela Media verskyn het. Kyk hier na foto’s van die brande op die oewer van die Vaalrivier; ʼn WhatsApp-groep wat boere gehelp het om boewe vas te trek; en die groot skade wat die eerste reën in November vanjaar veroorsaak het.
Talle luukse huise op die oewer van die Vaalrivier aan die Vrystaatse kant is in puin gelê toe ’n brand ontstaan het.
Etlike boere in die Schweizer-Reneke-gebied in Noordwes het saamgestaan en die lewe vir ses verdagtes bitter moeilik gemaak en dit alles te danke aan ʼn WhatsApp-groep wat ʼn 20-jarige boer twee jaar gelede begin het.
Nagenoeg 100 boere het met behulp van ʼn stroper en twee hoogloop-spuite nege gewapende verdagtes vasgetrek.
’n Emosionele en hartverskeurende toneel het op die plaas Vaalbank, buite Bronkhorstspruit, afgespeel waar Duncan Nyawo, die stapper teen plaasmoorde, sy naamgenoot, dr. Duncan Prinsloo, ontmoet het wat in 2008 die slagoffer van ’n wrede plaasaanval was.
ʼn Onderwyseres was nie voorbereid op die hartverskeurende briefies wat sy sou ontvang as kinders die sin “Ek wens my juffrou het geweet…” voltooi nie.
Vyf mense is beseer, waarvan drie kritiek, in ʼn ongeluk tussen ses motors en ʼn swaarvoertuig op die R59 buite Vereeniging in Gauteng.
Die broodnodige reën wat in Gauteng en ander provinsies geval het, het ook erge hael- en waterskade in sekere gebiede tot gevolg gehad.
ʼn Skietgeveg tussen vermeende kapers en die polisie is glo die rede vir die dramatiese toneel wat hom in Lyttelton, Centurion afgespeel het.
Drie vermeende rowers het hul moses teëgekom toe hulle by die huis van ʼn egpaar van Johannesburg, wat albei polisiespeurders is, wou inbreek.
Die kitskoskettinggroep KFC het reageer nadat foto’s op sosiale media versprei is wat wys hoe rou hoender op die vloer met water afgespuit word.
Kyk wat is alles meeste gelees op Maroela Media.